Татар дөньясы 30 апрель 2024 12:57

Чиләбе өлкәсендә «Татар гаиләсе-2024» конкурсында катнашу өчен гаризалар кабул ителә

Скопировать ссылку

Чиләбе өлкәсендә «Татар гаиләсе – 2024» конкурсында катнашу өчен гаризалар кабул итү башланды, дип хәбәр итә Бөтендөнья татар конгрессы матбугат хезмәте.

Бәйге гаиләне үзенчәлекле итә торган тәҗрибә һәм гаилә традицияләре белән уртаклашу өчен мөмкинлек булып тора.

Биредә татар телендә сөйләшә, милли бәйрәмнәрне билгеләп үтә, милли ризыклар әзерли, татар мәдәниятенә хөрмәт тәрбияли торган гаиләләр катнаша ала. Гаризалар 2024 елның 31 маена кадәр кабул ителә. Конкурска гаризаны Чиләбе өлкәсе татарлары конгрессының congresstatar174@mail.ru электрон почтасына җибәрергә кирәк.

Мәгълүматны 8351-729-32-78 телефон ы аша алырга мөмкин.

«Татар гаиләсе - 2024» конкурсында катнашучыларны бик күп бүләкләр һәм призлар көтә, ә иң мөһиме – онытылмаслык тәэсирләр булыр, диелә хәбәрдә.

Сәхифәләр

Чиләбе өлкәсендә «Татар гаиләсе-2024» конкурсында катнашу өчен гаризалар кабул ителә